კოლეჯის ოთხმა სტუდენტმა ( ნიკოლოზ ჯაფარიძე, თორნიკე მურღვლიანი, ლევან ჯაფარიძე, დავით ჯაფარიძე) კოლეჯის საერთაშორისო ურთიერთობის მენეჯერთან ელენე განაიასთან ერთად მონაწილეობა მიიღო Erasmus+ Youth Exchange პროექტში — “Youth for a Sustainable Future”, რომელიც გაიმართა 
22-26 აპრილს ქობულეთში, სადაც ასევე მონაწილეობას იღებდნენ ახალგაზრდები კვიპროსიდან, ლიეტვადან და პოლონეთიდან.
პროექტის მიზანი იყო: გარემოსდაცვითი ცნობიერების ამაღლება, ეკო-მეგობრული ჩვევების ჩამოყალიბება, ახალგაზრდების აქტიური ჩართვა მდგრადი განვითარების პროცესში, კულტურული გაცვლა და საერთაშორისო თანამშრომლობა.
სტუდენტები მონაწილეობდნენ ინტერაქტიულ ვორქშოპებში, ეკო-აქტივობებში, საველე ვიზიტებში და შეისწავლეს გარემოსდაცვითი ლიდერობის უნარები. მათ ასევე შეიმუშავეს იდეები, როგორ შეიძლება ეკოლოგიური პრაქტიკების გავრცელება საკუთარ თემებში.
განსაკუთრებული მადლობა Youth Center of Georgia-ს, რომელმაც გაუწია პროგრამას ორგანიზება Erasmus+ პროექტის ფარგლებში.
ვულოცავთ ჩვენს სტუდენტებს წარმატებას და ვამაყობთ მათი საერთაშორისო დონეზე ჩართულობით!
ერთად ვქმნით უფრო მწვანე და მდგრად მომავალს
